იაშვილის ბავშვთა ცენტრალური საავადმყოფოს სამედიცინო დირექტორი, ივანე ჩხაიძე მედიაცენტრ ,,მთავარში“ გამართულ ბრიფინგზე შეფასებას აკეთებს ქვეყნაში გავრცებულ სეზონურ გრიპზე. მისი განცხადებით, ამ ეტაპზე ყველაზე მასშტაბური ხასიათის არის ე.წ. ,,ჰონგ კონგის“ ვირუსი. ვირუსული ინფექციების პიკი მოდის დეკემბერ-იანვრის თვეზე, ხოლო კლება უნდა აღინიშნოს თებერვლის თვეში:
,,თუ იქნება ქვეყანაში რესპირაციული ვირუსული ინფექციების პიკი, ეს პიკი დეკემბერ-იანვრის თვეზე მოდის. შესაბამისად, ახლა სწორედ ამ პერიოდში ვართ.
ძირითადი მოცირკულე ვირუსი – ეს არის გრიპის ვირუსი. კერძოდ, მისი A ტიპის ფორმა და ჯამური რაოდენობა, ამ ვირუსულ პეიზაჟში შეადგენს 50%-ს. თუ ვირუსების გაყოფას შევხედავთ – ყველაზე დიდი რაოდენობით, მათ შორის, არის H3N2 ტიპის ვირუსი, ე.წ. ,,ჰონგ კონგის“ ვირუსი, რომელიც ჯამურად 33%-ს შეადგენს.
თუ ამ გრიპს და კორონავირუსს შევადარებთ, 5-ჯერ მეტია გრიპის ვირუსი ახლა ქვეყანაში, ვიდრე კორონავირუსი.
შემთხვევების კლება უნდა აღინიშნოს თებერვლიდან. მინიმალური რაოდენობა უნდა დაფიქსირდეს მარტი-აპრილის თვეში. თუ ისე წავა ყველაფერი, როგორც პანდემიამდე პერიოდში, მაშინ ზაფხული უნდა გვქონდეს თავისუფალი“, – აღნიშნა ივანე ჩხაიძემ.
ავტორი
ნინი ხიჯაკაძე
