პრეზიდენტის ადმინისტრაციასთან, მიხეილ სააკაშვილის შეწყალების მოწინააღმდეგეთა საპროტესტო აქციასთან და ტერიტორიაზე “საახალწლო სოფლის” მოწყობასთან მიმართებაში, სალომე ზურაბიშვილის ნეგატიურ შეფასებებს, სოციალურ ქსელში მწვავე პოზიციით ეხმაურება, ორგანიზაცია “ყოფილი პოლიტპატიმრები ადამიანის უფლებებისთვის” დამფუძნებელი ნანა კაკაბაძე:
“ჩემო” პრეზიდენტო! თქვენი მსგავსება რუსის “ნამესტნიკთან” იდენტურია.
დასავლეთი (საიდანაც თქვენ ჩამობრძანდით საქართველოში) ჯერ კიდევ ბნელ 70 იანებში, საბჭოთა ბანაკის მოქალაქეებს გვასწავლიდა, რომ მშვიდობიანი მიტინგი და მანიფესტაცია, გამოხატვის ფუნდამენტური უფლებააო, მითუმეტეს თუ ეს ხდება სახელმწიფო შენობებთანო.
თქვენთვის ეს არავის აუხსნია არც იქ და არც აქ?
“მოვარდნად” და “დანაშაულად”(როგორადაც თქვენ მონათლედ) საპროტესტო აქციებს, მხოლოდ კომუნისტები მიიჩნევდნენ.
ქ-ნო პრეზიდენტო, თქვენ თმენის ვალდებულება გამოიჩინეთ მაშინ, როდესაც ნაციონალები, თქვენს რეზიდენციასთან შეკრებილები, უხეში ფორმებით გაგინებდნენ და პიროვნულ შეურაცხყოფას გაყენებდნენ.
როგორ ფიქრობთ, რომელ შემთხვევაში იყავით ადეკვატური?
არაადეკვატურობა თქვენი სისტემატიური პრობლემაა თუ 29 დეკემბერი იყო გამონაკლისი?
პ.ს. რუსულს რითი მიამსგავსეთ რეზიდენციის წინ ულამაზესი საახალწლო სოფელი გაუგებარია, მაგრამ თქვენი მსგავსება რუსის “ნამესტნიკთან” იდენტურია“, – წერს ფეისბუქის პირად გვერდზე ნანა კაკაბაძე.
