ადვოკატი შალვა ხაჭაპურიძე მწვავე და კრიტიკულ შეფასებას აკეთებს მიხეილ სააკაშვილის საქმესთან დაკავშირებით. მისი განცხადებით, თითოეული ფაქტი, რაც ფიქსირდება მიხეილ სააკაშვილის გარშემო გაეგზავნება ცივილიზებულ სამყაროს:
,,ყველაფერს უნდა დაერქვას თავისი სახელი. ამ საქმეს, რასაც სააკაშვილის საქმე ჰქვია, არაფერი კავშირი არ აქვს სამართალთან, ეს არის ჩვეულებრივი ომი, რომელიც მიმდინარეობს. ამ ომს აქვს ერთი მიზანი – სააკაშვილი უნდა მოკვდეს. სხვას ვერაფერს დავარქმევთ.
შვილები არ შეუშვეს, ოჯახის წევრებს აქვთ გარკვეული შეზღუდვები, ადვოკატები შაბათ-კვირას ვერ შევდივართ. ამას ჰქვია რეპრესიები! ამას ჰქვია სამართლებრივი მოვლენების ყოველგვარი გარღვევა!
რა თქმა უნდა, ჩვენ მიერ ეს ყველაფერი ფიქსირდება და გაეგზავნება მთელ მსოფლიოს, ცივილიზებულ სამყაროს – რა მდგომარეობაშიც არის ეს ადამიანი“, – განაცხადა შალვა ხაჭაპურიძემ.
ავტორი
ნინი ხიჯაკაძე