კლინიკა ,,ვივამედში” საქართველოს მე-3 პრეზიდენტის მოსანახულებლად სოფო ნიჟარაძე შვილთან, ელის-მარიასთან ერთად მივიდა. თუმცა, მიხეილ სააკაშვილის მოსანახულებლად არ შეუშვეს, რაზეც მომღერალმა სოფო ნიჟარაძემ ჟურნალისტებთან კომენტარი გააკეთა:
,,[სოფო ნიჟარაძე] სად მოხვედი?
– მინდა მიშასთან, მიშასთან, ნახვა მინდა” – პასუხობს ელის-მარია სააკაშვილი…
ეს პირველი შემთხვევაა, როდესაც არ შეგვიშვეს. სხვათაშორის, ძალიან გამიკვირდა იმიტომ, რომ ჩვენ აქამდე გვქონდა შესაძლებლობა მასთან შესვლის და მისი მონახულების.
2 კვირის წინანდელი სიტუაციით თუ ვიმსჯელებთ, როდესაც ჩვენ ბოლოს ვიყავით, ის ძალიან მძიმედ იყო, ძალიან მძიმე იყო ჩვენთვის მისი ნახვა.
მიუხედავად ყველანაირი მცდელობისა, კლინიკაც ყველაფერს ცდილობს, რა თქმა უნდა, მისი მდგომარეობა დადებითი დინამიკისკენ არ მიდის – უარყოფითი დინამიკა არის“, – განაცხადა სოფო ნიჟარაძემ.
ავტორი
ნინი ხიჯაკაძე
