პარლამენტის პირველი ვიცე-სპიკერი, გიორგი ვოლსკი კრიტიკულ განცხადებას აკეთებს საქართველოს მე-3 პრეზიდენტის საქმესთან დაკავშირებით და აცხადებს, რომ ყველა, ვინც მიხეილ სააკაშვილის გარშემო, მის მოწამლვაში რუსეთსა და პუტინს ადანაშაულებს, არის თაღლითი:
,,განცხადებები, რომლებიც ადრე არ იყო აქტუალური და უცებ გააკეთა ყველა მის გარშემო მყოფმა ადამიანმა – მიუთითებს იმაზე, რომ თაღლითობის რაღაც ახალი ეტაპი დაიგეგმა.
თუკი სასამართლო მიიღებს შესაბამის გადაწყვეტილებას, ეს უნდა მოხდეს არა იმის საფუძველზე [სააკაშვილი] გაპარსულია თუ გაუპარსავია, თმებდავარცხნილია, დაუვარცხნელი თუ, ზოგადად, მოუვლელია კონკრეტული პატიმარი, არამედ რამდენად არ ვარგა ჩვენი სამედიცინო სისტემა, ვერ მიხედოს მის ჯანმრთელობას და სიცოხლეს. ასეთი მონაცემები არ არსებობს.
იგი მოწამლეს, მოწამლა პუტინმა, მოწამლა რუსეთმა, გამოყენებულია ცნობილი მომწამლავი ნივთიერება – ამის არანაირი საფუძველი არ არსებობს. ვინც ამას დღეს ლაპარაკობს, არის თაღლითი“, – განაცხადა გიორგი ვოლსკიმ.
ავტორი
ნინი ხიჯაკაძე
