საქართველოს მე-3 პრეზიდენტის, მიხეილ სააკაშვილის სიცოცხლის გადარჩენის მოთხოვნით სხვადასხვა პოლიტიკური პარტიის წარმომადგენლები ორბელიანების სასახლესთან და პრეზიდენტს მიმართეს. სალომე ზურაბიშვილს მიმართა “კანონი და სამართლის” თავმჯდომარემ თაკო ჩარკვიანმა. ოპოზიციონერი ლიდერის მიმართვა “ელჩების კონფერენცია 2022”-ზე მომხდარი ფაქტის გამო გარკვეულ ირონიას შეიცავდა და პრეზიდენტის ადმინისტრაციის მიერ გავრცელებული განცხადების აღნიშნულ საკითხზე მწვავე კომენტარი გააკეთა პარტია ,,კანონი და სამართლის“ თავმჯდომარემ თაკო ჩარკვიანმა:
,,სკამს რომ არ გითმობენ და არ გთვლიან პრეზიდენტად, იქნებ შენ მიხვდე, რომ უნდა იპრეზიდენტო?! უნდა იპრეზიდენტო შენ საკუთარ ხალხთან, თორემ ღარიბაშვილთან და ივანიშვილთან რომ ვერ პრეზიდენტობს და სკამს აღარ აწვდიან – ჩანს.
მას აქვს ერთადერთი შანსი, რომ ის იყოს საკუთარი ხალხის პრეზიდენტი, რომელსაც უნდა მოუტანოს დეესკალაცია, სიმშვიდე და სიმშვიდე ვერ მოვა, თუ ჩვენ პოლიტპატიმრები გვეყოლება;
თუ მოკვდება მე-3 პრეზიდენტი, ვერანაირი სიმშვიდე ვერ დაიმკვიდრებს ქვეყანაში!
ამიტომ ამ ქალბატონს შანსი აქვს, რომ ტალახიანი ასოებით არ ჩაიწეროს ისტორიაში“, – განაცხადა თაკო ჩარკვიანმა.
ინფორმაციისთვის: “ელჩების კონფერენცია 2022”-ის გახსნისას მომხდარ ფაქტთან დაკავშირებით, როცა პრეზიდენტის განთავსების თუ სხვა საკითხებში გაუგებრობების გამო ამბასადორიალზე სალომე ზურაბიშვილის დასწრება დღის წესრიგიდან მოიხსნა, სპეციალური განცხადება გაავრცელა პრეზიდენტის ადმინისტრაციამ.
ავტორი
ნინი ხიჯაკაძე
