“როგორც ლეტალური შედეგის, ასევე ადამიანის გონებრივი დაინვალიდების რისკი კიდევ უფრო იზრდება” – მარიამ ჯიშკარიანი

საქართველოს მე-3 პრეზიდენტის ჯანმრთელობის მძიმე მდგომარეობის გამომწვევი ერთ-ერთი დიაგნოზი არის შეძენილი დემენცია, რაზეც სასამართლო პროცესზე ინფორმაცია გაავრცელა პროფესორმა ექსპერტ-ფსიქიატრმა ერიკ დევიდ გოლდსმიტმა. მიხეილ სააკაშვილის ჯანმრთელობის მდგომარეობასთან დაკავშირებით, “მთავარი არხის” ჟურნალისტთან, მძიმე შეფასებებს აკეთებს წამების მსხვერპლთა ფსიქოლოგიური რეაბილიტაციის ცენტრ ,,ემპათიას” დირექტორი მარიამ ჯიშკარიანი:

,,[სასამართლო] უნდა ჩატარდეს ფორსირებულად, პრაქტიკულად ყოველდღე. ეს რაღაცა ბადრაგები და ასე ვთქვათ, ზედმეტი მოწმეები, რომლებიც არაფერ შუაში არ არის ახლა სამედიცინო დიაგნოსტიკასთან, ასეთი ხალხი ამოღებულ უნდა იქნას მოწმეების სიიდან.

ყოველი წუთი და წამი კიდევ უფრო აზიანებს მისი ჯანმრთელობის მდგომარეობას. გამომდინარე იმ დიაგნოზებიდან და ეტიოლოგიური ფაქტორებიდან, რაც გამოიკვეთა, მოსალოდნელია პროგრესირება, მაგრამ მიმდინარეობს სწრაფად, როგორც ჩვენმა კოლეგამ, ამერიკელმა ფსიქიატრმა განაცხადა – ეს არის სწრაფად პროგრესირებადი ნეიროკოგნიტური დაზიანება, რომელიც უნდა შეჩერდეს.

როგორც ლეტალური შედეგის, ასევე ადამიანის გონებრივი დაინვალიდების რისკი კიდევ უფრო იზრდება“, – განაცხადა მარიამ ჯიშკარიანმა.

ავტორი
ნინი ხიჯაკაძე