“მიხეილ სააკაშვილს თავად ესმის, რომ ის იარაღად არის ქცეული საკუთარი თანაგუნდელების ხელში” – თეა წულუკიანი

საქართველოს მე-3 პრეზიდენტის სასამართლო პროცესის პარალელურად ,,ერთიანი ნაციონალური მოძრაობის” მხარდაჭერები თბილისის საქალაქო სასამართლოსთან შეიკრიბენ. ამასთან დაკავშირებით შეფასება გააკეთა მთავრობის ვიცე-პრემიერმა, კულტურის, სპორტისა და ახალგაზრდობის მინისტრმა თეა წულუკიანმა:

,,სააკაშვილს ეს თავად ესმის, რომ ის იარაღად არის ქცეული საკუთარი თანაგუნდელების ხელში, რომლებსაც სასო აქვთ წარკვეთილი. ვინაიდან ვერანაირი მეთოდით, პოლიტიკურ ასპარეზზე ვერ აღწევენ წარმატებას. ერთადერთი იმედი, რაც დარჩენიათ არის ის, რომ როგორმე სააკაშვილის მდგომარეობა გართულდეს. ამის იმედი აქვთ, ყველა მეთოდს იყენებენ ამისათვის.

სააკაშვილიც გარკვეული ტრიუკებით თუ მანიპულაციებით ამაში მათ ეხმარება, თავისივე თავის საზიანოდ. ჩვენი სურვილი იქნებოდა, რომ მან ყველა გაგებით საკუთარი თავის დაზიანება შეწყვიტოს“, – განაცხადა თეა წულუკიანმა.

ავტორი
ნინი ხიჯაკაძე