“პრეზიდენტს შეუძლია გადადგას ნაბიჯი და შეწყალების აქტი გამოიტანოს” – შალვა ხაჭაპურიძე

საქართველოს პრეზიდენტის მიერ, უცხოელ დიპლომატებთან შეხვედრისას გაკეთებულ განცხადებაში, ქვეყანაში არსებულ პოლარიზაციაზე ხაზგასმას ეხმაურება, მე-3 პრეზიდენტის ადვოკატი, შალვა ხაჭაპურიძე და სალომე ზურაბიშვილის მიერ მიხეილ სააკაშვილის შეწყალების მნიშვნელობაზე აკეთებს აქცენტს:

,,პრეზიდენტს შეუძლია ეს ნაბიჯი გადადგას. იგი ამაში შეზღუდული არ არის. 2 გამამტყუნებელი განაჩენი გამოტანილია, შესაბამისად, ამ განაჩენებზე შეუძლია შეწყალების აქტი გამოიტანოს.

მას წარდგენილი აქვს ყველანაირი დოკუმენტი. იცის, გააცნო ეს დოკუმენტები ქალბატონმა მარიამ ჯიშკარიანმა. თუ მას პოლიტიკური ნება გააჩნია, [შეწყალების] შემზღუდავი და შემაკავებელი რაიმე ფაქტორი არ არსებობს“, – განაცხადა შალვა ხაჭაპურიძემ

ინფორმაციისთვის, საქართველოს პრეზიდენტმა სალომე ზურაბიშვილმა ისაუბრა ქვეყანაში არსებულ პოლარიზაციაზე, სადაც აღნიშნა მე-3 პრეზიდენტის როლი. მისი განცხადებით, უნდა დაველოდოთ 22 დეკემბერს, სადაც გაჟღერდება სასამართლო გადაწყვეტილება:

,,ერთ-ერთი მთავარი პრობლემა, რომელიც პოლარიზაციას ხელს უწყობს, ყოფილ პრეზიდენტთან დაკავშირებული საკითხია. მე ვთქვი და გავიმეორებ, რომ ამ ქვეყნისთვის და მისი რეპუტაციისთვის, მისი შიდა სტაბილურობისა და მომავლისთვის ძალიან მნიშვნელოვანია, რომ ყველა მხარემ სპეკულაციები დაასრულოს და 22 დეკემბერს, გადაწყვეტილებას დაველოდოთ, რომელიც მინდა დარწმუნებული ვიყო, რომ საქართველოს მოსახლეობას საშუალებას მისცემს ამ სიტუაციიდან გამოვიდეს“ – განაცხადა სალომე ზურაბიშვილმა.

ავტორი
ნინი ხიჯაკაძე