საქართველოს ძალოსნობის ეროვნული ფედერაცია სასიხარულო ინფორმაციას ავრცელებს კოლუმბიის დედაქალაქში მიმდინარე ძალოსნობის მსოფლიო ჩემპიონატიდან:
“🥇🥇🥇 ლაშა ტალახაძის 3 ოქროს მედალი მსოფლიო ჩემპიონატიდან!
🇬🇪 ქართველმა ძალოსანმა მსოფლიო ჩემპიონის ტიტული მეექვსედ დაიცვა და კიდევ ერთხელ დაამტკიცა, რომ მსოფლიოში უძლიერესი ძალოსანია!
🏋️ ბოგოტაში მიმდინარე ძალოსანთა მსოფლიო ჩემპიონატზე ლაშა ტალახაძემ (+109 კგ.) როგორც მოსალოდნელი იყო ჩემპიონობა სამივე დისციპლინაში იზეიმა.
🇬🇪 ტალახაძემ ატაცში 208/215 კილოგრამი დაძლია და ოქროს მედალს დაეუფლა. ასევე უმაღლესი სინჯის მედალს დაეუფლა აკვრაში დაძლეული 245/251 კილოგრამითაც, ორჭიდის ჯამში მოგროვილი 466 კილოგრამითაც კვარცხლბეკის უმაღლეს საფეხურზე დადგა.
🏋️ გარდა ჩემპიონობისა მსოფლიოს მრავალგზის უძლიერესმა ძალოსანმა პარიზის ოლიმპიური თამაშების ლიცენზიისათვის მნიშვნელოვანი ქულებიც მოიპოვა.
🇬🇪 ეროვნული ნაკრების მთავარი მწვრთნელი – გიორგი ასანიძე
🇬🇪 ნაკრების მწვრთნელები: ავთო გახოკიძე / გია ცირეკიძე
🇬🇪 პირადი მწვრთნელი – ავთო გახოკიძე
🇬🇪 ექიმი-რეაბილიტოლოგი – გიორგი ჭინჭარაული
🇬🇪 ფიზიო-ტერაპევტი – რუსლან ღიბრაძე“, – აღნიშნულია გავრცელებულ ინფორმაციაში.