ჰააგის სისხლის სამართლის საერთაშორისო სასამართლოს პროკურორმა, ქარიმ ასად ახმად ხანმა, საქართველოში არსებული ვითარების გამოძიების ფაზის დასრულების შესახებ განაცხადა:
“2016 წლის 27 იანვარს ჩემმა ოფისმა დაიწყო გამოძიება კაცობრიობის წინააღმდეგ ჩადენილი დანაშაულებისა და ომის დანაშაულებებთან დაკავშირებით, 2016 წლის 27 იანვარს სისხლის სამართლის საერთაშორისო სასამართლოს (ICC) იურისდიქციაში არსებულ საერთაშორისო შეიარაღებული კონფლიქტის კონტექსტში, 2008 წლის 1 ივლისიდან 10 ოქტომბრამდე. ყოველივე ეს მოჰყვა 2008 წლის 14 აგვისტოს დაწყებული, ამ სიტუაციასთან დაკავშირებით, წინასწარი ექსპერტიზის დასრულებას.
გამოძიების დაწყებიდან, ჩემმა ოფისმა შეისწავლა მტკიცებულებები, რომლებიც დაკავშირებულია შეიარაღებული კონფლიქტის ყველა მხარის მიერ ჩადენილ სავარაუდო დანაშაულთან. იგი ახორციელებდა თავის მუშაობას დამოუკიდებლად, მიუკერძოებლად და ობიექტურად, გადარჩენილებთან, სამოქალაქო საზოგადოებასთან და შესაბამისი ეროვნული ხელისუფლების ნაყოფიერი თანამშრომლობით და პარტნიორობით.
ამ გამოძიების შედეგად გამოიცა დაკავების ორდერი. 2022 წლის 30 ივნისს, I-მა წინასასამართლო პალატამ სამი ეჭვმიტანილის – ბ-ნი მიხაილ მაირამოვიჩ მინძაევის, ბ-ნი გამლეტ გუჩმაზოვის და ბ-ნი დავით გეორგიევიჩ სანაკოევის მიმართ წარდგენილ იქნა ბრალდება და გამოიცა დაკავების ორდერი, რაც კონკრეტულად ეხება ჩადენილ უკანონო პატიმრობას, წამებასა და არასათანადო მოპყრობას, მძევლების აყვანას და შემდგომში ეთნიკურად ქართველი მშვიდობიანი მოქალაქეების უკანონო გადაყვანას რუსეთის ფედერაციის მიერ ოკუპაციის კონტექსტში. როგორც მე განვაცხადე ამ დაკავების ორდერის გამოცემის დროს, ეს დანაშაულები წარმოადგენს კრიმინალის უფრო ფართო გაგებას, რომელიც მოიცავდა ქართული სოფლებისა და სახლების ძარცვასა და ნგრევას, ცხინვალის რეგიონის თითქმის სრული ქართული მოსახლეობის უკან დაბრუნების უფლების უარყოფას. ეჭვმიტანილები არიან ერთ-ერთი მთავარი პასუხისმგებლები ამ სავარაუდო დანაშაულებებზე.
გამოძიებამ ასევე გამოავლინა რუსეთის ფედერაციის შეიარაღებული ძალების გენერალ-მაიორის ბ-ნი ვიაჩესლავ ბორისოვის (რომელიც ამჟამად გარდაცვლილია) სავარაუდო მონაწილეობა, მიმდინარე მოვლენების დროს, ზოგიერთი დანაშაულის ჩადენაში.
დღეს შემიძლია დავადასტურო, რომ სისხლის სამართლის საერთაშორისო სასამართლოს მიერ განხილული საქმეების გარდა, სხვა პირების სავარაუდო სისხლისსამართლებრივი პასუხისმგებლობის ან საქართველოში არსებული ვითარების სხვა ქმედებებისთვის, ახალი მიმართულებით ჩემი ოფისი გამოძიებას აღარ გააგრძელებს, ვინაიდან გარემოებები არსებითად არ შეცვლილა. საქართველოს სიტუაციის გამოძიების ეტაპი დასრულდა. აღნიშნული გადაწყვეტილების თაობაზე საქართველოს ხელისუფლებას მე უკვე ვაცნობე.
თუმცა, ამავდროულად, ჩემი ოფისი გააგრძელებს ძალისხმევის კონცენტრირებას იმ პირთა წარმატებული დევნის უზრუნველსაყოფად, რომლებიც დაკავების ორდერს ექვემდებარებიან. ძალისხმევა გაგრძელდება, რათა თვალყური ადევნონ და დააკავონ ეჭვმიტანილები, რომლებიც რჩებიან თავისუფლებაში და განიხილონ არსებული საქმეები, რაც სასამართლო პროცესიდან უნდა გადაიტანოს საბოლოო გასაჩივრებამდე და, ნასამართლობის შემთხვევაში, რეპარაციის ეტაპებამდე“, – განაცხადა პროკურორმა.