დღეს პარლამენტში მინისტრის საათი გაიმართა, სადაც იუსტიციის მინისტრს, რატი ბრეგაძეს უსმენდნენ. ,,ერთიანი ნაციონალური მოძრაობის” თავმჯდომარეობის კანდიდატი, პარლამენტის დეპუტატი ლევან ხაბეიშვილი მწვავე კომენტარს აკეთებს და რატი ბრეგაძეს სისხლის სამართლის დამნაშავედ მიიჩნევს:
,,რატი ბრეგაძე არის სისხლის სამართლის დამნაშავე, რომელიც მონაწილეობას ღებულობს პუტინთან მებრძოლი მთავარსარდლის მკვლელობაში.
არ დაგვავიწყდეს, მას კიდევ ერთხელ შევახსენებ, პრეზიდენტი სააკაშვილი იყო ის ადამიანი, რომელმაც უზრუნველყო მისი გერმანიაში განათლება. ეს განათლება მიიღო, რომ ადამიანი, პრეზიდენტი, მთავარსარდალი – ციხეში უნდა მოკლას და მისი უფლებები უნდა დაარღვიოს მუდმივად?! პუტინს ჩააბაროს ანგარიში და აღლიცინოს რუსული პროპაგანდა – ეს ისწავლა გერმანიაში, როცა პრეზიდენტი სააკაშვილის დაფინანსებით წავიდა?!
რატი ბრეგაძეს დღეს ღირსეული პარლამენტი არ უნდა უსმენდეს!“, – განაცხადა ლევან ხაბეიშვილმა
ინფორმაციისთვის: პარლამენტის სხდომათა დარბაზში მინისტრის საათზე მისულ რატი ბრეგაძეს ,,ერთიანი ნაციონალური მოძრაობის” დეპუტატები საპროტესტო ბანერებით და მიხეილ სააკაშვილის ფოტოებით დახვდნენ.
ავტორი
ნინი ხიჯაკაძე
