“ქართული ოცნების” პირველი პირების – პარტიის თავმჯდომარის, ირაკლი კობახიძისა და მთავრობის მეთაურის, ირაკლი ღარიბაშვილის მიერ ბოლო დღეებში გაკეთებულ განცხადებებს მწვავე შეფასებებით ეხმაურება ტელეკომპანია “კავკასია” -ს გენერალური დირექტორი, ნინო ჯანგირაშვილი:
“მეტი რაღა უნდა გააკეთონ კობახიძემ და ღარიბაშვილმა, რომ ოფიციალურად გამოცხადდნენ სამშობლოს მოღალატედ და მიიღონ შესაბამისი რეაქცია მთელი საზოგადოებისგან?!
მაინცდამაინც პუტინის სადღეგრძელო უნდა დალიონ ყანწით ვახტანგურად თავისუფლების მოედანზე და საქართველოს რუსეთის შემადგენლობაში შეყვანას უნდა მოაწერონ ხელი ოფიციალურად რომ ღადაობას მოვრჩეთ და ადეკვატურები ვიყოთ?!
მართლა მაინტერესებს როდის მოვრჩებით ღლიცინს. თუ ასე ღლიცინ–ღლიცინით უნდა შევგრიალდეთ რუსეთის შემადგენლობაში?!” – წერს ფეისბუქის პირად გვერდზე ნინო ჯანგირაშვილი.
