“ჩემ სხეულში ქართული გული ფეთქავს და სულში საქართველოს სანთელი ანთია, შენგან და თქვენგან განსხვავებით, თქვე მოღალატეებო!” – კობა ხაბაზი

უკრაინაში, რუსეთის წინააღმდეგ მებრძოლი საქართველოს მოქალაქეების მიმართ მოქალაქეობის ჩამორთმევასთან დაკავშირებით ხელისუფლების წარმომადგენლების მხრიდან გაკეთებულ განცხადებებს, სოციალურ ქსელში, ემოციური პოზიცია-განმარტებებით ეხმაურება “ერთიანი ნაციონალური მოძრაობის” წევრი, უკრაინაში მებრძოლი კობა ხაბაზი:

“მე, მერაბ კოსტავას შვილობილს, საქართველოს მოქალაქეობა პუტინის მონის მონამ უნდა ჩამომართვას?

მე, დიადი ხაბაზების და გოროზი სვანეთის საამაყო გვარის, არღვლიანების შთამომავალს საქართველოს მოქალაქეობა სულგაყიდულმა არამზადამ უნდა ჩამომართვას?

მე, 9 აპრილის, ვარდების რევოლუციის, აჭარისა და მაიდნის გმირულ ეპოპეებში გამოზრდილ ქართველს, შენ, ფულის ტომრის მონამ უნდა ჩამომართვა მოქალაქეობა?

იმ დღეს მოვკვდე, შენისთანა ფურუნკულები რომ შემაშინებენ.

ჩემ სხეულში ქართული გული ფეთქავს და სულში საქართველოს სანთელი ანთია, შენგან და თქვენგან განსხვავებით, თქვე მოღალატეებო!” – წერს ფეისბუქის პირად გვერდზე კობა ხაბაზი.