საქართველოს მე-3 პრეზიდენტის დედა, გიული ალასანია კლინიკა ,,ვივამედთან“, ჟურნალისტებთან ემოციურ კომენტარს აკეთებს მიხეილ სააკაშვილის საქმესთან დაკავშირებით. გიული ალასანიას განცხადებით, ყველაფერი სწრაფად უნდა მოხდეს, რათა მისი შვილი ცოცხლად გადარჩეს:
,,რაც სჭირდებოდა და რაც შესაძლებელი იყო აქ, ოთახში გაკეთებულიყო, ყველაფერი გაკეთდა. აქვს თავისი დასკვნები.
არავითარი მნიშვნელობა არ აქვს ახლა, რას ფიქრობს ოჯახი! ახლა ლაპარაკობს სასამართლო! ის რა გადაწყვეტილებასაც მიიღებს – იმის მიხედვით გაირკვევა ჩემმა შვილმა უნდა იცოცხლოს თუ უნდა მოკვდეს!
არაფერს არ ველოდები, არ ვიცი…
მე იმედი მაქვს , რომ ეს უნდა მოხდეს სწრაფად, თუნდაც ხვალ. რავიცი, რას ელოდებიან?! წელიწადი და მესამე თვე არის – რით ვეღარ შეისწავლა ეს საკითხი?! უკვე შესწავლილია ყველაფერი, ყველა მხრიდან. მე ვფიქრობ, რომ სწრაფად უნდა მოხდეს“, – განცხადა გიული ალასანიამ.
ავტორი
ნინი ხიჯაკაძე
