საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე მწვავე პოლიტიკურ შეფასებას აკეთებს რუსეთის დუმის წარმომადგენლების ვიზიტზე ოკუპირებულ აფხაზეთში:
,,ძალიან მძიმეა, რომ საქართველოს ოკუპირებულ ტერიტორიაზე, აფხაზეთში ჩავიდა რუსეთის დუმის წარმომადგენლები. როგორც ჩანს ,,ქართული ოცნების” მაამებლურმა და კუდის ქიცინის პოლიტიკამ რუსეთთან, სირაქლემას პოზაში ჯდომისა და ჩირგვებში ჯდომის პოლიტიკამ რუსეთთან – არანაირი შედეგი არ გამოიღო.
,,ხალხის ძალის” ე.წ. წარმომადგენლები აანონსებდნენ გუშინ – “ჩვენ ინფორმაცია გვაქვს, ოპოზიცია აფხაზეთში გეგმავს პროვოკაციასო“.
ოპოზიცია კი არ გეგმავს პროვოკაციას, კიდევ ერთხელ გეუბნებით – სად იმალებით?! გამოდით! რუსეთის დუმის წარმომადგენლები ჩავიდა აფხაზეთში, რუსეთი პროვოკაციას გეგმავს!“, – განაცხადა პაატა მანჯგალაძემ.
ავტორი
ნინი ხიჯაკაძე