ევროპა საქართველოს მოუწოდებს დეოლიგარქიზაციის კანონის შესრულებისაკენ, რომელიც ევროსაბჭოს 12 რეკომენდაციიდან ერთ-ერთი მთავარი პუნქტია. პარტია ,,ქართული ოცნების” თავმჯდომარე ირაკლი კობახიძე ჟურნალისტებთან კომენტარს აკეთებს აღნიშნული კანონის მიმართებაზე კონკრეტულად ბიძინა ივანიშვილთან დაკავშირებით:
,,როდესაც კონკრეტული ადამიანები ბიძინა ივანიშვილს უწოდებენ ოლიგარქს, ითხოვენ მის სანქციებას – ეს არის არა მარტო უსამართლო განცხადება, შეფასება – პირდაპირ ვიტყვი, ეს არის სიბინძურე.
ვინც ამას აკეთებს არის სიბინძურის სამსახურში.
ამას აქვს ძალიან მარტივი ახსნა და ლოგიკა – ყველა ადამიანი, ქვეყნის შიგნით თუ გარეთ, ვინ საუბრობს იმაზე, რომ ბიძინა ივანიშვილი არის ოლიგარქი და უნდა დასანქცირდეს – არის აგენტი, პირდაპირ ვიტყვი ამას ყველა, ვინც ამას ამბობს არის ჩვეულებრივად აგენტი, “ომის პარტიის” აგენტი“, – განაცხადა ირაკლი კობახიძემ.
ავტორი
ნინი ხიჯაკაძე