საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე საპასუხო შეფასებას აკეთებს საპარლამენტო უმრავლესობის წარმომადგენლის ალუდა ღუდუშაურის მწვავე კომენტარზე პარტია ,,სტრატეგია აღმაშენებლსა“ და გიორგი ვაშაძესთან დაკავშირებით:
,,ქოცური პატრიოტიზმი არის ჩვენ დასავლელ პარტნიორებზე თავდასხმა. ალუდა ღუდუშაური მე საერთოდ ლიტერატურული პერსონაჟი მეგონა, რომ გავიგე თავიდან. ,,დავგუგლე“ და საერთოდ ვერ ვიპოვე, ვერ გავიგე ვინ იყო მანამდე, სანამ პარლამენტის წევრი გახდებოდა.
ალუდა ღუდუშაური, როდესაც აკრიტიკებს ვაშაძეს, უნდა ვნახოთ ვის რა გაუკეთებია?!
ხალხო, ეს არ არის იმის გამო, რომ ომბუდსმენის პროცესში არ მონაწილეობს ,,სტრატეგია აღმაშენებელი“. ეს ხდება იმის გამო, რომ ,,სტრატეგია აღმაშენებელი“ ყოველდღიურად ამხელს იმ შეთქმულებას, რაშიც რუსეთთან ერთად მონაწილეობს ,,ქართული ოცნება“, – განაცხადა პაატა მანჯგალაძემ.
ინფორმაციისთვის: ,,სტრატეგია აღმაშენებელმა“ უარი განაცხადა სახალხო დამცველის კანდიდატის შერჩევის პროცესში მონაწილეობაზე, რის გამოც მწვავე და კრიტიკულ განცხადებას აკეთებს პარლამენტის ადამიანის უფლებათა დაცვისა და სამოქალქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური:
,,გიორგი ვაშაძე, ,,სტრატეგია აღმაშენებელი“ დაკავებული არის შოუს მოწყობით. ძალიან მდარე ხარისხის შოუს სთავაზობს ბოლო პერიოდში ჩვენს საზოგადოებას. ვაშაძესთან როდესაც ვსაუბრობთ, იქვე უნდა ვსაუბრობდეთ საცირკო წარმოდეგნაზე.
ბატონი ვაშაძე წარსულში იყო ადეიშვილის მოადგილე. დაკავებული იყო იმით, რითიც მწამებელი ადეიშვილი“, – განაცხადა ალუდა ღუდუშაურმა