“შეუსაბამობა იმდენად დიდია, იმდენად უტიფარია, რომ სხვა თუ არა პოლიტიკური სპეკულაცია, ამას არაფერი შეიძლება დავარქვათ” – გიორგი ვოლსკი მიხეილ სააკაშვილთან დაკავშირებით

საქართველოს მე-3 პრეზიდენტის დამძიმებულ ჯანმრთელობის მდგომარეობაზე ოპოზიცია პასუხისმგებლობას ხელისუფლებას აკისრებს და მწვავე განცხადებები გაკეთდა მიხეილ სააკაშვილის სასამართლოში გადაყვანის არამიზანშეწონილობის გადაწყვეტილების მიღების შემდეგ. აღნიშნულთან დაკავშირებით პოლიტიკურ შეფასებას აკეთებს პარლამენტის პირველი ვიცე-სპიკერი გიორგი ვოლსკი:

,,ოპოზიცია და სააკაშვილის გუნდი უნდა იყოს პირველი, ვინც ამაზე იყვირებს ხმამაღლა, რომ არავითარ შემთხვევაში არ გაანძრიოთ, ის მართლაც ცუდად არის და იყოს საავადმყოფოში.

ნიკა გვარამია ამბობდა, რომ საერთოდ დაკარგული აქვს ცნობიერება და საერთოდ მისი განცხადებები, მისი მითითებები არ უნდა მივიღოთ მხედველობაში, ვინაიდან ადამიანი არაადეკვატურია.

როგორც კი სასამართლოში გადაყვანის საკითხი დადგა, თითქოს არაფერი არ არსებობს – იგი, თურმე სასამართლოში უნდა იქნეს მიყვანილი.

შეუსაბამობა იმდენად დიდია, იმდენად უტიფარია, რომ სხვა თუ არა პოლიტიკური სპეკულაცია, ამას არაფერი შეიძლება დავარქვათ“, – განაცხადა გიორგი ვოლსკიმ.

ავტორი
ნინი ხიჯაკაძე