“როცა ამდენი უსასტიკესი ოჯახური ძალადობა ხდება ქვეყანაში, რატომ არ ისმის ეკლესიის ხმა, განათლების მინისტრის ხმა, ჯანდაცვის მინისტრის ხმა, სამართალდამცავთა ხმა…?” – ნათია ფანჯიკიძე

ქვეყანაში გახშირებულ ოჯახური ძალადობისა და ფემიციდის ფაქტებს ეხმაურება ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე:

“როცა ამდენი უსასტიკესი ოჯახური ძალადობა ხდება ქვეყანაში, რატომ არ ისმის ეკლესიის ხმა, განათლების მინისტრის ხმა, ჯანდაცვის მინისტრის ხმა, სამართალდამცავთა ხმა, რატომ არავინ შეისწავლის მრავალი მხრივ საზოგადოების კატასტროფის მიზეზებს და რატომ არ ისახება მრავალმხრივი სტრატეგიული სამოქმედო გეგმა?

მხოლოდ ფემინისტური აქტივიზმი ვერ მოერევა ამ საკითხს, თუ მათ ინსტიტუციების თანადგომა არ ექნებათ და თუ კომპლექსური მიდგომა არ შემუშავდა. პირიქითაც, მარგინალიზება მოხდება ფემინისტების, ნაკლები მოუსმენს და მეტი დაუწყებს ბრძოლას, თუ მხარს არ გაუმაგრებს ყველა, ვისაც ეს მოხალისეობრივ ნებად კი არ უნდა ჰქონდეს აღქმული, არამედ უპირველესად ევალება,” – წერს ფეისბუქის პირად გვერდზე ნათია ფანჯიკიძე.