“მოვუწოდებ პირადად მე სალომე ზურაბიშვილს – ადამიანის სიცოცხლის გადარჩენისთვის მიიღოს ზომა და დღესვე შეიწყალოს მიხეილ სააკაშვილი!” – მარიამ კიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი ჟურნალისტებთან კომენტარს აკეთებს მე-3 პრეზიდენტის დამძიმებული ჯანმრთელობის მდგომარეობის შესახებ. მარიამ ჯიშკარიანი მოუწოდებს საქართველოს ხელისუფლებას და პრეზიდენტ სალომე ზურაბიშვილს დაუყოვნებლივ იქნას მიხეილ სააკაშვილი გადაყვანილი მულტიპროფილურ კლინიკაში დიაგნოსტიკისა და რეაბილიტაციისთვის:

,,ძალიან დიდი ალბათობით და შემდგომ მტკიცებულებებს კიდევ ველოდებით, მიხეილ სააკაშვილი არის ინტოქსიკაციის მსხვერპლი. იგი დაექვემდებარა წამებას, არაადამიანურ მოპყრობას და, შესაძლებელია, სიკვდილის მცდელობასაც.

მოვუწოდებ, პირადად მე, სალომე ზურაბიშვილს – ადამიანის სიცოცხლის გადარჩენისთვის მიიღოს ზომა და დღესვე შეიწყალოს მიხეილ სააკაშვილი!

ასევე, მოვუწოდებ ხელისუფლებას – სისულელების საუბარს თავი დაანებოს! საკითხი არის ძალიან სერიოზული. სანამ არ მომხდარა დიდი სკანდალი, მოვუწოდებ მიიღონ ზომა, სასწრაფოდ, დღესვე გადაყვანილი იქნას მიხეილ სააკაშვილი ,,შარიტეს“ კლინიკაში მომდევნო დიაგნოსტიკისა და მკურნალობისათვის.

მისი ჯანმრთელობის მდგომარეობის სავალალო შედეგებს და დამძიმებას იწვევს თანდათანობით ინტოკსიკაცია, რომელიც შესაძლებელია დღესაც გრძელდება.

თმის ღერში აღმოჩენილია 3 მძიმე მეტალი“, – განაცხადა მარიამ ჯიშკარიანმა.

ავტორი
ნინი ხიჯაკაძე