“ერთი საკითხის ირგვლივ ამდენი ურთიერთგამომრიცხავი განცხადება ნამდვილად უცნაური არის” – რატი იონათამიშვილმა დეოლიგარქიზაციის კანონთან დაკავშირებით

29
სააგენტო "პარალელი"

საპარლამენტო უმრავლესობის წარმომადგენელი, რატი იონათამიშვილმა ჟურნალისტებთან კომენტარს აკეთებს დეოლიგარქიზაციის კანონპროექტის ვენეციის კომისიაში გაგზავნის საკითხთან დაკავშირებით:

,,პრობლემა კანონის გაგზავნა-არგაგზავნაში კი არ არის, არამედ იმ უცნაურ და ერთმანეთის გამომრიცხავ განცხადებებში, რასაც მთელი დღის განმავლობაში ვისმენდით.

რომ შევაჯამოთ: ამერიკის ელჩმა თქვა, რომ უკრაინამ გაიწვია ეს კანონი და ახლა საქართველომ უნდა გააგზავნოს იგივე;

ვენეციის კომისიამ თქვა, რომ ისინი აგრძელებენ მუშაობას, ოღონდ ჯერ არ იციან დასკვნა როდის ექნებათ მზად;

ხატია დეკანოიძის განცხადებაც, რომელიც უკრაინის მაღალჩინოსანი იყო და მან აღნიშნა, რომ უკრაინამ თითქოს უკვე მიიღო პასუხები კომისიიდან, ახლა ამ პასუხების დამუშავება მიმდინარეობს.

შესაბამისად ვფიქრობ, რომ ერთი საკითხის ირგვლივ ამდენი ურთიერთგამომრიცხავი განცხადება ნამდვილად უცნაური არის”, – განაცხადა რატი იონათამიშვილმა.

ავტორი
ნინი ხიჯაკაძე

კომენტარები პუბლიკაციაზე