“რატომ ხდება “ქართული ოცნების” მხრიდან საქართველოს ევროატლანტიკური ინტეგრაციის საბოტაჟი?” – გიორგი ვაშაძე

პარლამენტში პრემიერ-მინისტრ ირაკლი ღარიბაშვილის ინტერპელაციის წესით წარდგენამდე, ,,სტრატეგია აღმაშენებლის” თავმჯდომარე გიორგი ვაშაძე კომენტარს აკეთებს იმასთან დაკავშირებით, თუ რა იქნება ძირითადი განხილვის საკითხი:

,,დღეს თქვენ მოისმენთ კონკრეტულ კითხვებს, თუ რატომ ხდება ,,ქართული ოცნების” მხრიდან საქართველოს ევროატლანტიკური ინტეგრაციის საბოტაჟი? რატომ ხდება ისე, რომ ყველა ნაბიჯი, რაც მათ გადადგეს თებერვლის შემდგომ ეწინააღმდეგება საქართველოს ევროკავშირში ინტეგრაციის გზას?

მთავარი საკითხი, რასაც პრემიერ-მინისტრმა უნდა გასცეს პასუხი – რა გზას ირჩევს ის თვითონ, საკუთარ პოლიტიკურ ძალასთან ერთად?

პასუხის არ გაცემა, შეკითხვის გატარება ან დუმილი კონკრეტულ საკითხებზე – მიჩნეულ იქნება, რომ ,,ქართული ოცნება” ირჩევს გზას რუსეთისკენ“, – განაცხადა გიორგი ვაშაძემ.

ავტორი
ნინი ხიჯაკაძე