დეოლიგარქიზაციის კანონპროექტში ჩაიწერა, რომ ე.წ. ოლიგარქთა რეესტრის შედგენა პრემიერ-მინისტრის კომპეტენცია იქნება. აღნიშნულ საკითხზე მედიასთან მწვავე შეფასებას ახდენს საქართველოს პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” წევრი, რომან გოცირიძე:
,,ეს კრიტერიუმები არის კარგი, მაგრამ მეორეა ვინ ადგენს ოლიგარქის სტატუსს?
ნაცვლად იმისა, რომ პარლამენტთან შექმნილიყო ნეიტრალური კომისია, რომელიც დამტკიცდებოდა პარლამენტის მიერ დიდი კვორუმით, 2/3-ით ანუ 100 ხმით, ოპოზიციის თანამონაწილეობით – აიღეს და გადასცეს პირდაპირ ღარიბაშვილს.
ირაკლი ღარიბაშვილმა ჩამოწეროს ოლიგარქების სია, იმდენად არასერიოზულია…
ირაკლი ღარიბაშვილი, რომელიც არის მონა-მორჩილი ბიძინა ივანიშვილის, ახლა ბიძინა ივანიშვილს შეიყვანს ოლიგარქთა რეესტრში?!“, – განაცხადა რომან გოცირიძემ.
ავტორი
ნინი ხიჯაკაძე