თავდაცვის ყოფილი მინისტრი, არასამთავრობო ორგანიზაცია “სამოქალაქო იდეის” თავმჯდომარე თინა ხიდაშელი ეხმაურება, “ერთიანი ნაციონალური მოძრაობიდან” პარლამენტის ყოფილი დეპუტატის, მაია ნადირაძის მიერ გირგვლიანის მკვლელობისა და ბოლო წლებში მომხდარი ფაქტების შედარებისას დაფიქსირებულ პოზიციას:
“ღმერთო დიდებულო, ისევ ბედავს, ისევ ლაპარაკობს, ვერაფერი გაიგო, ნული წუხილი, ნული სინანული და რამდენია კიდევ ამ აზრსა და განწყობაზე😞
აი ასეთი ხალხი ხელისუფლებაში რომ გყავს ევროკავშირის წევრობას კი არა, ევროკავშირის ქალაქების გუგლში დათვალიერებას უნდა გვიკრძალავდნენ😞
არადა ორი-სამი კი არა, მთელი ლეგიონია მსგავი პოლიტიკაში😞” – წერს ფეისბუქის პირად გვერდზე თინა ხიდაშელი.
ინფორმაციისთვის: “ტვ პირველის” ეთერში, გადაცემაში “საჯარო პოლიტიკა” მაია ნადირაძემ განაცხადა: “ყველაფერს რომ მივედ-მოვედოთ და არაფერი ვთქვათ, მოდით ვთქვათ რა.
ხომ თვლადია ყველაფერი? – ერთ გირგვლიანზე თუ კიდევ ვიღაცას ამბობენ, კიდევ ერთს და მას შემდეგ რამდენი ასეთი მოხდა, ის ხალხი რატომღაც ასე არ რეაგირებდა?!“