დეოლიგარქიზაციის კანონპროექტში ჩაიწერა, რომ ე.წ. ოლიგარქთა რეესტრის შედგენა პრემიერ-მინისტრის კომპეტენცია იქნება. აღნიშნულ საკითხზე ჟურნალისტებთან კომენტარს აკეთებს ფრაქცია “ქართული ოცნების” თავმჯდომარე მამუკა მდინარაძე:
,,კანონი გადათარგმნილია სიტყვა სიტყვით. მითითებულია საბჭო უკრაინულ კანონში, რომელიც საქართველოში არ არსებობს.
ამ ერთი ფრაზის გამო, რომ ვიღაცას არ ეთქვა, რომ ეს უკრაინულ კანონთან ბოლომდე შესაბამისობაში არ არის, ანუ იქ აღმასრულებელი ფუნქციაა და აქ საპარლამენტო რატომ გახადეთ, აი ამის გამო, კიდევ უფრო მივუახლოვეთ. სხვა სიტყვა სიტყვით თარგმანია, მაგრამ ის საბჭო, რომელიც მითითებული იყო რეესტრის განსაზღვრაში, ჩვენთან ფიზიკურად არ არის, რაღაცა ხომ უნდა ჩაგვეწერა?!
არარელევანტური გამოდიოდა პარლამენტის ჩაწერა იმიტომ, რომ უკრაინაში აღმასრულებელი წყვეტს, საქართველოში პარლამენტი.
აი, ეს ერთი მცირე მანიპულაციისთვისაც კითხვის ნიშანი რომ არ ყოფილიყო, ამიტომ შეიცვალა“, – განაცხადა მამუკა მდინარაძემ.
ავტორი
ნინი ხიჯაკაძე
