პარტია “გამარჯვებული საქართველოს” ლიდერი, თავდაცვის ყოფილი მინისტრი, ირაკლი ოქრუაშვილი კონკრეტული პირობების თაობაზე საუბრობს, რაც, მისი თქმით, რუსეთისთვის “უკვე დაიდო მოლაპარაკების მაგიდაზე” და ამ ფონზე საქართველოს მომავალთან დაკავშირებით უკმაყოფილო პოზიციას აფიქსირებს:
“ომი დასასრულისკენ მიდის და 6 თვეში ან ისე დასრულდება ან ასე.
“ასე” დასრულების პირობები უკვე დაიდო მოლაპარაკების მაგიდაზე და რუსები დიდი ალბათობით დათანხმდებიან, რადგან სხვა გამოსავალი არ აქვთ.
პირობები ასეთია:
1. რუსები სრულად გადიან უკრაინის ტერიტორიიდან (მათ შორის დონეცკიდან და ლუგანსკიდან);
2. ყირიმი ხდება დემილიტარიზებული ზონა 7 წლის განმავლობაში, სადაც დაშვებული იქნება მხოლოდ წვრილკალიბრიანი ცეცხლსასროლი იარაღი;
3. რუსეთს ყირიმიდან გაყავს შავი ზღვის ფლოტი;
4. რუსეთის სამხედრო ბაზა გადის დნესტრისპირეთიდან და ეს ტერიტორია გადადის მოლდოვის კონტროლქვეშ;
5. უკრაინა ვალდებულებას იღებს 7 წლის განმავლობაში არ გახდეს ნატოს წევრი;
6. რუსეთის პოლიტიკური და სამხედრო ელიტის მიმართ არ დაიწყება საერთაშორისო სამართლებრივი დევნა,
ეს ყველაფერი ნიშნავს რუსეთის სრულ კაპიტულაციას და პუტინის რეჟიმის დასასრულს, მაგრამ მთავარი კითხვა სულ სხვაა – ჩვენ რაა, ჩვენ? რაც დავიმსახურეთ – შუა თითი,” – წერს ფეისბუქის პირად გვერდზე ირაკლი ოქრუაშვილი.
