“ეს არის პირველი ასეთი უპრეცედენტო აქტი, რომელიც ევროპის კონტინენტზე ხდება” – სერგო ჩიხლაძე ღარიბაშვილისადმი გამოგზავნილ წერილებზე ნიკა გვარამიასთან დაკავშირებით

პატიმრობაში მყოფი ,,მთავარი არხის” გენერალური დირექტორის, ნიკა გვარამიას მხარდასაჭერად ევროპელმა პარტნიორებმა საქართველოს პრემიერ-მინისტრს, ირაკლი ღარიბაშვილს წერილი გაუგზავნეს, მედია-მენეჯერის გათავისუფლების მოთხოვნით. აღნიშნულ საკითხზე ჟურნალისტებთან კომენტარი გააკეთა ,,სტრატეგია აღმაშენებლის” პოლიტიკური საბჭოს წევრმ სერგო ჩიხლაძემ:

,,რაც უპრეცედენტოა და პირველად მოხდა ევროპაში, ევროპარლამენტარები, ევროსტრუქტურის მაღალი თანამდებობის პირები ერთიანდებიან და ოფიციალურად ერთობლივ წერილს უგზავნიან პრემიერ-მინისტრ ირაკლი ღარიბაშვილს ერთად-ერთი მოთხოვნოთ – ნიკა გვარამიას გათავისუფლება და პოლიტიკური მართლმსაჯულების დასრულება ამ ქვეყანაში.

ეს არის პირველი ასეთი უპრეცედენტო აქტი, რომელიც ევროპის კონტინენტზე ხდება.

ეს არის ზუსტად აი, იმ სისტემური პროევროპული მოძრაობის, მუშაობის შედეგი და ჩვენ კვლავაც გავაგრძელებთ ამ საქმიანობას“, – განაცხადა სერგო ჩიხლაძემ.

ავტორი
ნინი ხიჯაკაძე