„იმედი LIVE“-ს ეთერში კულტურის მინისტრის, თეა წულუკიანის კრიტიკულ შეფასებებს ევროპარლამენტარების მიმართ ეხმაურება, საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე და მწვავე შეფასებას აკეთებს მთავრობის ვიცე პრემიერის, თეა წულუკიანის, ასევე მმართველი პარტიის მიმართ, ევროსაბჭოს 12 რეკომენდაციის შესრულების საკითხთან დაკავშირებით:
,,მინდა მივმართო წულუკიანს და ,,ქართული ოცნების“ თაღლითების კორპორაციას – ეგენი არიან საერთაშორისო თაღლითები. უკვე ყველამ იცის, რომ არიან გადამგდებები. აქაც იტყუებიან, თითქოს რეკომენდაციას ასრულებენ. ბუტაფორიული ცვლილებები შემოიტანეს და უნდათ, რომ შემდეგ ევროპას, ევროპარლამენტარებს დააბრალონ კანდიდატის სტატუსის ვერმიღება.
რუსეთთან გარიგების და საქართველოს ღალატის გამო, ,,ქართულ ოცნებას“ აკრძალული აქვს ასოცირების კანდიდატის სტატუსის მიღება და რა თქმა უნდა, ევროპაში ინტეგრაცია.
ეს შეთქმულება არის სახეზე და თუ ვინმეს დღესაც ეჭვი ეპარება, ჩვენ გაზაფხულზე ვნახავთ წინასწარ შეფასებას, რომ ეს ნამდვილად ასეა.
,,ქართულ ოცნება“ მიზანმიმართულად ახდენს ჩვენი ევროპული გზის ტორპედირებას“, – განაცხადა პაატა მანჯგალაძემ.
ინფორმაციისთვის: თეა წულუკიანს მიაჩნია, რომ “ქართული ოცნება” ასრულებს 12-პუნქტიან რეკომენდაციას და ამიტომ ევროპარლამენტის მიერ ხდება ახალი რეზოლუციის მიღება, რომ ისევ პრობლემები შეექმნას საქართველოს ევროკავშირის კანდიდატი ქვეყნის სტასუსის მიღებაში. “ეს რეზოლუცია, არავინ მოვიტყუოთ თავი, არის ცუდი ტექსტი, ცუდი ტექსტი არის ყველასთვის და პირველ რიგში, მე ასე მგონია, თვითონ ევროპარლამენტისთვის“, – განაცხადა თეა წულუკიანმა „იმედი LIVE“-ს ეთერში
ავტორი
ნინი ხიჯაკაძე
