სამი პოლიტიკური პარტია – ,,სტრატეგია აღმაშენებელი“, ,,გირჩი – მეტი თავისუფლება“ და ,,დროა“, ევროპარლამენტის საგარეო კომიტეტის ანგარიშთან დაკავშირებით ერთობლივ განცხადებას ავრცელებს. ბრიფინგის შემდეგ კომენტარი გააკეთა სტრატეგია აღმაშენებლის პოლიტიკური საბჭოს წევრმა, სერგო ჩიხლაძემ. მისი განმარტებით, ამ ეტაპზე ყველაზე მნიშვნელოვანი პროდასავლური მოსახლეობის და ოპოზიციური სპექტრის კონსოლიდაციაა:
,,კიდევ ერთხელ დასტურდება, რომ ,,ქართული ოცნება“ – გავა 4 თვე, გავა 8 თვე, გავა 12 თვე, არა თუ რამეს გააკეთებს, არამედ კიდევ უფრო დაგვაშორებს ჩვენს ევროპულ არჩევანს და დაგვაკარგინებს ამ ისტორიულ შანსს.
ამიტომ ახლა, როგორც არსადროს ერთადერთი გამოსავალი – ეს არის პროდასავლური მოსახლეობის და პოლიტიკური სპექტრის კონსოლიდაცია, გაერთიანება და რაც შეიძლება სწრაფად პრორუსული ,,ქართული ოცნების“, ამ ოლიგარქიული რეჟიმის სასწრაფოდ გაშვება ხელისუფლებიდან“, – განაცხადა სერგო ჩიხლაძემ.
ავტორი
ნინი ხიჯაკაძე
