შვილმოკლული მამა, მალხაზ (ვახა) მაჩალიკაშვილი დიდი გულისტკივილით ახდენს ქვეყანაში არსებულ პოლიტიკურ სიტუაციაზე აზრის დაფიქსირებას და კონკრეტული შეკითხვებით მიმართავს ოპოზიციას:
“ყველა ოპოზიციური პარტიები ცხელ შემოდგომას რომ ვპირდებოდით ქართულ ქოცხროვას – ამ ამბავმა ისე ჩაიარა რომ ამ არამზადების დასაცინები გავხდით!
ცხელი შემოდგომა კი არა, რასაც ვუყურებ, ცხელ-ცხელი ოპოზიციის განეიტრალება ხდება!
ამას კი საზოგადოება ძალიან კარგათ ხედავს – ეს ყველაფერი ვისი ხელით ხდება.
ბიძინა კი არ არის მაგარი და მისი სულგაყიდული მონები, რომლებიც “ქართულ ოცნებას” წარმოადგენენ, არამედ მაგარი ის ადამიანები არიან ვინც ოპოზიციურ ფლანგს წარმოადგენენ და ამდენი შეუძლიათ!
დავიჯერო 20 ოპოზიციურ პარტიას იმდენი არ შეუძლია შექმნას ის ვითარება, რომ ეს ვაჭარი ბიძინა ივანიშვილი ერთხელ მაინც ჩააგდონ იმ ვითარებაში, რაღაცა სახის ვაჭრობაში შემოვიდეს, როგორც მაშინ, როცა სახე ჩამოხეული და მტირალა ბავშვივით თვალაცრემლიანებული საზოგადოებას ემუდარებოდა ერთი წელი კიდე მომეცითო.
ნუთუ არ არის რესურსი ოპოზიციაში ამის გასანმეორებლად?!
თუ 2024 წელს ელოდებით, ისევ და თუ ელოდებით, მე არ მგონია რომ რამეს მივაღწევთ!
უბრალოდ ძალიან მაინტერესებს – ვის და რის იმედზე ვართ?” – წერს ფეისბუქის პირად გვერდზე მალხაზ მაჩალიკაშვილი.
