“ძალაუფლების ცვლილება პოზიტიური ასოციაციების და მოლოდინების გარეშე შეუძლებელია” – არჩილ გამზარდია

ჟურნალისტი, ანალიტიკოსი არჩილ გამზარდია კონკრეტულ შეფასება-შედარებებს აკეთებს და ოპოზიციასთან მიმართებაში თავის პოზიციას აფიქსირებს:

“თავის დროზე, მიხეილ სააკაშვილი ასოცირებული იყო ადამიანთან, ვისაც შეეძლო მანამდე არსებული სისტემის გაუმჯობესება, კორუფციის აღმოფხვრა, განვითარებაში თანამედროვე სტანდარტის შეტანა და ა.შ. შემდგომ, ბიძინა ივანიშვილი ასოცირებული იყო ადამიანთან, ვისაც შეეძლო ძალაუფლებაში ძალადობის მოშლა და ჰუმანურობის შეტანა და ა.შ.

ვინ როგორ გაუმკლავდა მოლოდინებს, სხვა თემაა, მაგრამ ჩვენს ოპოზიციას, დღეს თუ უფიქრია, რასთან ასოცირდებიან თავად დღეს? ქმნიან თუ არა პოზიტიურ მოლოდინებს?

სახელისუფლო პროპაგანდა ახერხებს იმას, რომ ოპოზიცია უფრო ნეგატივთანაა ასოცირებული – ძალაუფლებისთვის ბრძოლასთან, კარიერიზმთან, რევანშთან, ომთანაც კი… და ა.შ.

ძალაუფლების ცვლილება პოზიტიური ასოციაციების და მოლოდინების გარეშე შეუძლებელია.

ფიქრობთ, რომ დღევანდელი ოპოზიცია დადებით მოლოდინებს აღძრავს? – მე ძალიან გამიჭირდებოდა სასურველი პასუხის გაცემა,” – წერს არჩილ გამზარდია ფეისბუქის პირად გვერდზე.