დეოლიგარქიზაციის კანონის შინაარსობრივ სტრუქტურასთან დაკავშირებით ვიცე პრემიერი, კულტურის, სპორტისა და ახალგაზრდობის მინისტრი თეა წულუკიანი მწვავე და ირონიულ განცხადებას აკეთებს ოპოზიციის მიმართ:
,,პოლიტიკაში ეს უკვე ემსგავსება მათი მხრიდან ცირკს. იმიტომ, რომ ისინი ერთობიან. სახელმწიფოს და ქვეყნის ბედით თამაშობენ. მათ – ვგულისხმობ ზოგიერთ ოპოზიციონერს, დეოლიგარქიზაციის კანონი კი არ უნდოდათ, მათ უნდოდათ რეალურად დეოცნებიზაცია, დებიძინიზაცია – ეს უნდოდათ!
როდესაც აღმოჩნდა, რომ დეოლიგარქიზაციის კანონი შეეხება, მაგალითად – კეზერაშვილს, რომელმაც თავისივე ვრცელი განცხადებით აღიარა, რომ დიახ, ის ოლიგარქია… შეიძლება სხვებსაც შეეხოთ, ბანკირები რომ იყვნენ წარსულში და ხალხს საკუთარი სახლებიდან დევნიდნენ – ეს უკვე აღარ მოსწონთ.
შესაბამისად, ეს კიდევ ერთხელ ადასტურებს, რომ თუ ვინმე არის ოლიგარქი ამ ქვეყანაში, ეს არის ნებისმიერი მათი წარმომადგენელი, მაგრამ არა ბიძინა ივანიშვილი“, – განაცხადა თეა წულუკიანმა.
ავტორი
ნინი ხიჯაკაძე
