“მიმაჩნია, რომ სააკაშვილი არის მოღალატე! ილიჩოვა და მელაშვილი არიან მეისრეები” – ჯონდი ბაღათურია

თბილისის საქალაქო სასამართლოში საქართველოს ტერიტორიების საწინააღმდეგოდ ჩადენილ ქმედებებში ბრალდებულების, ივერი მელაშვილისა და ნატალია ილიჩოვას საქმეზე ჩვენება მისცა ყოფილმა დეპუტატმა ჯონდი ბაღათურიამ:

,,პირველ რიგში გამოძიება და სასამართლო დაინტერესდა ჩემთან ურთიერთობით იმის გამო, რომ 2012 წელს ,,ქართული დასი” გამოვიდა საკანონმდებლო ინიციატივით, პრეზიდენტის იმპიჩმენტის შესახებ.

ჩვენ მაშინ პრეზიდენტს ბრალი დავდეთ სახელმწიფო ღალატში, რომელიც გამოიხატებოდა სწორედ დავით გარეჯის ტერიტორიაზე გადმოსული აზერბაიჯანელი მესაზღვრეების უკანონო დგომის გამო, როცა სააკაშვილმა დატოვა, როგორც მთავარსარდალმა, საქართველოს ტერიტორია და როგორც მოღალატე – წავიდა იტალიაში ,,შოპინგზე”.

მიმაჩნია, რომ სააკაშვილი არის მოღალატე! მიმაჩნია, რომ ილიჩევა და მელაშვილი, ჩემი აზრით, რა თქმა უნდა, არიან დამნაშავეები, მაგრამ ესენი არიან მეისრეები. ისინი ასრულებდნენ პირადად პრეზიდენტის მითითებას, დავალებას“, – განაცხადა ჯონდი ბაღათურიამ.

ავტორი
ნინი ხიჯაკაძე