“ოლიგარქიზაციაზე, ოლიგარქობაზე – ბიძინა ივანიშვილთან მიმართებაში რაიმე დასკვნის გაკეთებისთვის ობიექტურად არავითარი საფუძველი არ არსებობს” – მიხეილ სარჯველაძე

საქართველოს პარლამენტში დეოლიგარქიზაციის კანონის განხილვა იწყება, რომელიც ევროსაბჭოს 12 რეკომენდაციის ფარგლებში არის გათვალისწინებული ქვეყნისათვის კანდიდატის სტატუსის მისანიჭებლად. აღნიშნულ საკითხზე, თუ რატომ არ შეიძლება მოიაზრებოდეს ბიძინა ივანიშვილი ოლიგარქად, ჟურნალისტებთან კომენტარს აკეთებს ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე:

,,ოლიგარქიზაციაზე, ოლიგარქობაზე როდესაც გვაქვს საუბარი მერწმუნეთ, რომ, ამ შემთხვევაში, ბიძინა ივანიშვილთან მიმართებაში რაიმე დასკვნის გაკეთებისთვის ობიექტურად არავითარი საფუძველი არ არსებობს.

იმიტომ, რომ მთავარი, რაც არის ამ შემთხვევაში ოლიგარქის ცნებისთვის, რომ იყენებდეს საკუთარი ინტერესებისთვის ხელისუფლებას ადამიანი და ჰქონდეს კონკრეტული გავლენები ხელისუფლებასთან მიმართებაში – ასეთი მოცემულ სიტუაციაში სახეზე არ გვაქვს.

არც მიმაჩნია, მაგალითად – რომელიმე კონკრეტული ევროპარლამენტარი, თუ მცდარ აზრს იტყვის იმიტომ, რომ ეს ევროპარლამენტარისგან ნათქვამია, რომ იგი უდაო ჭეშმარიტებად უნდა მივიჩნიოთ“, – განაცხადა მიხეილ სარჯველაძემ.

ავტორი
ნინი ხიჯაკაძე