“ეს ადამიანები იმ ნარატივებს ავრცელებენ, რაც პირდაპირ “ქართული ოცნების” ინტერესებში ზის” – ნიკა სიმონიშვილი

იუსტიციის უმაღლეს საბჭოში ლევან მურუსიძისა და დიმიტრი გვრიტიშვილის არჩევასთან დაკავშირებით მწვავე შეფასებას აკეთებს საქართველოს ახალგაზრდა იურისტთა ასოციაციის თავმჯდომარე ნიკა სიმონიშვილი:

,,მაშინ, როდესაც რეალურად ჩვენ ვსაუბრობთ პრობლემებზე, რომელიც სასამართლოს სისტემაშია, ეს ადამიანები უბრალოდ იმ ნარატივებს ავრცელებენ, რაც პირდაპირ ,,ქართული ოცნების” ინტერესებში ზის.

ფაქტიურად ეს არის დადასტურება იმისა, რომ ეს ადამიანები არაფრით არიან დაშორებული ,,ქართული ოცნებისგან”.

მაშინ, როდესაც ამბობენ იმას, რომ თითქოს არასამთავრობო სექტორს არ აქვს მტკიცებულება ამ ყველაფერთან დაკავშირებით. დიახაც, ეს არის მორიგი მტკიცებულება, რომ ეს ადამიანები კავშირში არიან მმართველ ხელისუფლებასთან.

ეს ყველაფერი, სამწუხაროდ, ხელს არ უწყობს იმ პროცესს და სვლას, რომელსაც ჰქვია ევროინტეგრაციის პროცესი“, – განაცხადა ნიკა სიმონიშვილმა

ავტორი
ნინი ხიჯაკაძე