თბილისის სააპელაციო სასამართლოში “მთავარი არხის” გენერალური დირექტორი ნიკა გვარამიას პროცესი გაიმართა, სადაც მან ბოლო სიტყვის უფლებით ემოციურად მიმართა მოსამართლეს და საზოგადოებას:
“ერთადერთი რაც შემიძლია ვთქვა – ხელნაწერები არ იწვის, ეს ისტორიის ნაწილი ხდება. მე არ ვეძებ თავისუფლებას, მე თავისუფალი ადამიანი ვარ – მე ვეძებ სამართლიანობას! შესაბამისად, მე ვეძებ გამამართლებელ განაჩენს და მე მას ვიპოვი, აქ თუ არა სხვაგან!
ლაპარაკი იყო, რომ ჯარიმა მაინც მიესაჯათ, რა დრო იყო ეს განაჩენის გამოსატანად… ჩემი პატიმრობის ჯარიმით შეცვლა, ჩემი ბრძოლაში, არაფერს არ შეცვლის საერთოდ, უფრო სწორედ, გარეთ ვიქნები და კიდევ უფრო გამაძლიერებს – იმისთვის საბრძოლველად, რასაც ჰქვია სამართლიანობა.
მე არ ვეძებ თავისუფლებას, მე ის ისედაც მაქვს, მე ვეძებ სამართლიანობას, თქვენი ვალია მაპოვნინოთ სამართლიანობა და სამართალი“, – აღნიშნა ნიკა გვარამიამ.
