დღეს ,,მთავარი არხის” დირექტორის ნიკა გვარამიას სასამართლო პროცესი თბილისის სააპელაციო სასამართლოში გაიმართება. მოლოდინებზე ჟურნალისტებთან კომენტარს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე:
,,თუ ვინმე არის ამ ქვეყანაში პოლიტიკური მოტივით დაკავებული – ეს არის ნიკა გვარამია. ის არის დღემდე წარმატებული მედია-მენეჯერი. მისი დაკავება პირდაპირ ნიშნავს თავისუფალ სიტყვაზე თავდასხმას.
ნორმალური სასამართლო რომ გვქონდეს ქვეყანაში, იმ აბსურდული ბრალდებით ერთ დღესაც არ გაატარებდა ნიკა გვარამია საპატიმროში.
ვინაიდან დღეს ჩვენ გვაქვს პოლიტიკური სასამართლო და ამის დამადასტურებელი არის მურუსიძის დაბრუნება სისტემაში ანუ იუსტიციის საბჭოში – ეს გადაწყვეტილება იქნება პოლიტიკური.
შესაბამისად, ,,ქართული ოცნების” გონებაში რა ხდება ნიკასთან დაკავშირებით – ძნელია გამოვიცნოთ. სასამართლო ნორმალური რომ იყოს, ნიკა გვარამია დარბაზიდან დღესვე უნდა გამოუშვან“, – განაცხადა პაატა მანჯგალაძემ.
ავტორი
ნინი ხიჯაკაძე
