ნიკოლოზ ბასილაშვილისთვის გამამართლებელი გადაწყვეტილების გამოტანის გამო, მოსამართლე ხათუნა ხარჩილავას მიმართ, ქალთა უფლებების დამცველებისა და საზოგადოების ნაწილის მხრიდან მწვავე შეფასებებს ეხმაურება საზოგადოებრივი მაუწყებლის სამეურვეო საბჭოს წევრი ბონდო მძინარაშვილი:
“თავი დაანებეთ მოსამართლე ხათუნა ხარჩილავას!
აღიარეთ, რომ დღეს ფემინისტები საკუთარ თავდაჯერებულობაზე დაეთხლიშეთ!
სასამართლო მტკიცებულებებზე დაყრდნობით იღებს გადაწყვეტილებას და არა თქვენს ემოციებზე და ხუშტურებზე!
სასამართლოში უნდა წარგედგინათ, თუ რამე მტკიცებულება გქონდათ!
აქამდეც არაერთხელ განუხილავთ ოჯახური ძალადობის საქმე და ბევრი ახლაც იხდის სასჯელს!
და არამარტო საქართველოში!
აგერ, კევინ სპეისს აურიეს ცხოვრება და დაუნგრიეს კარიერა კრეტინული ბრალდებებით და ამერიკის სასამართლომ ის კაცი უდანაშაულოდ ცნო!
მაგრამ, რა ეშველება დაკარგულ წლებს, განადგურებულ კარიერას?! ვინ აუნაზღაურებს იმ ზარალს?!
ნიკოლოზ ბასილაშვილის გამართლება კი არ არის პრობლემა, პირიქით, პრობლემა ის იქნებოდა, უდანაშაულო კაცი დამნაშავედ რომ გამოეცხადებინათ და ციხეში ჩაესვათ!
და ეს უნდა გაეკეთებინათ მხოლოდ იმიტომ, რომ თქვენი ფემინისტური პატივმოყვარეობა დაკმაყოფილებულიყო?!
ამ თავხედებს შეხედეთ, რა!
P. S. კიდევ ერთხელ ვიტყვი:
თავი დაანებეთ მოსამართლე ხათუნა ხარჩილავას!
ქართული ფემინიზმის დედებო და დეიდებო, ისიც ქალია და ახლა თქვენ ძალადობთ, როცა ტელეეთერში შეურაცხყოფას აყენებთ!” – წერს ფეისბუქის პირად გვერდზე ბონდო მძინარაშვილი.
