“ეს უნდა აღვიქვათ, როგორც მორიგი მცდელობა იმისა, რომ საქართველო ჩააბან საომარ მოქმედებებში” – თეა წულუკიანი სანქციების სიასთან დაკავშირებით

უკრაინის პრეზიდენტის, ვოლოდიმირ ზელენსკის მიერ პერსონალურ სანქციებთან დაკავშირებით  გამოქვეყნებულ ბრძანებას ეხმაურება ვიცე-პრემიერი, კულტურის, სპორტისა და ახალგაზრდობის მინისტრი თეა წულუკიანი და კრიტიკულ შეფასებებს აკეთებს სანქცირებულთა სიაში პარტია ,,ქართული ოცნების” დამფუძნებლის ბიძინა ივანიშვილის ახლო ნათესავების შეყვანის გამო:

,,ეს გადაწყვეტილება, რასაკვირველია, გასაკვირი არ არის. მე პირადად არ მგონია, რომ ამ გადაწყვეტილებას რაიმე კონკრეტული ეფექტი შეიძლება ჰქონდეს სანქცირებულ პირებზე.

ძალიან სამწუხაროა, რბილად რომ ვთქვა, – ის ქვეყანა, რომელიც თითქოს ამბობს, რომ მეგობარ ქვეყანად რჩება, ასეთ მტრულ გადაწყვეტილებებს იღებს.

ეს ალბათ უნდა აღვიქვათ, როგორც უშიშროების საბჭოსგან მომდინარე გადაწყვეტილება, როგორც მორიგი მცდელობა იმისა, რომ საქართველო ჩააბან საომარ მოქმედებებში, მაგრამ ეს არ მოხდება!“, – განაცხადა თეა წულუკიანმა.

ავტორი
ნინი ხიჯაკაძე