,,ერთიანი ნაციონალური მოძრაობის” თავმჯდომარე ნიკა მელია ჟურნალისტებთან შეფასებას აკეთებს თბილისის მერის, კახა კალაძის პოლიტიკური პასუხისმგებლობის საკითხზე ვაკის პარკში დატრიალებულ ტრაგედიასთან დაკავშირებით:
,,კალაძეს ჰქონდა შესაძლებლობა არჩევანი გაეკეთებია თანამდებობის დათმობასა და ღირსების დათმობას შორის. მან აირჩია დაეთმო ღირსება. კალაძე ფიქრობს, რომ მთავრობის სხდომაზე წუთიერი დუმილი და ამის შემდეგ, ყველაფერი ძველებურად უნდა გაგრძელდეს?! – ფიქრობს, დიახაც ამას!
მერწმუნოს და თბილისი ამაში დამეთანხმება – დედაქალაქი ასეთ შემთხვევებს არ ივიწყებს და ასეთ კადნიერებას, უბრალოდ არ პატიობს.
კალაძემ გააკეთა ეს არჩევანი, თბილისელები გააკეთებენ შესაბამის არჩევანს და მიიღებენ გადაწყვეტილებას.
თბილისში ყველას უკვე ფობია აქვს ჩამოყალიბებული, რომ ყველა ის პროექტი, რომელიც კალაძის პირობებში განხორციელდა, – არის უხარისხო და შეიცავს სასიცოცხლო საფრთხეს.
ამიტომ, როცა შენ ამ მძიმე მოცემულობას თვალს არ უსწორებ და პასუხისმგებლობას არ იღებ, გასაგებია რომ შენ დათმე ღირსება, მაგრამ არ დათმე თანამდებობა.
პასუხისმგებლობას ასეთი ტიპის ადამიანი ზოგადად ვერ აიღებს, როცა მას პასუხისმგებლობის თაობაზე არაფერი სმენია“, – განაცხადა ნიკა მელიამ.
ავტორი
ნინი ხიჯაკაძე
