“შევთანხმდით სახალხო დამცველის კანდიდატურის წარდგენის საკითხზე” – ლევან ბეჟაშვილი ოპოზიციის გადაწყვეტილებაზე

ოპოზიცია სახალხო დამცველის საკითხზე მსჯელობს. აღნიშნულ თემაზე ჟურნალისტებთან კომენტარს აკეთებს ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარის მოადგილე ლევან ბეჟაშვილი:

,,საპარლამენტო ოპოზიციის დღევანდელ შეხვედრაზე შევთანხმდით სახალხო დამცველის კანდიდატურის წარდგენის საკითხზე. საპარლამენტო ოპოზიციის ყველა სუბიექტი დაპირებისამებრ წარვადგენთ არასამთავრობო ორგანიზაციების მიერ წარმოდგენილ კანდიდატურებს.

ასევე ,,ქართულ ოცნებას” ექნება ვალდებულება და სხვა პოლიტიკურ ჯგუფებსაც, რომ დარჩენილი კანდიდატურები 7-მდე შეავსონ, მოხდეს სრულფასოვნად პროცედურის განხორციელება და სახალხო დამცველის კანდიდატურის არჩევა პირველივე მცდელობაზე“, – განაცხადა ლევან ბეჟაშვილმა.

ავტორი
ნინი ხიჯაკაძე