ვაკის პარკში მომხდარ ტრაგედიასთან დაკავშირებით ოპოზიციონერებისა და აქტივისტების პროტესტს ეხმაურება ჟურნალისტი მერაბ მეტრეველი და კონკრეტულ რჩევებს იძლევა:
“ოპოზიციამ ყველაფერზე უშედეგო აქციები კი არ უნდა ატაროს, არამედ საქმეს მიხედოს.
საქმე რა იქნება?
საპარლამენტო საგამოძიებო კომისია მერიაში, კორუფციული ფაქტების გამოძიების მიზნით, რომლის პირველი “ქეისი” იქნება ვაკის პარკის საქმე და მერე მიყვება სხვა საქმეები.
სულ გვესმის ბრალდებები, რომ კორუფციამ წალეკა მერია, რომ ოპოზიციას უამრავი დოკუმენტი აქვს კორუფციის მამტკიცებელი. ჰოდა, ტყუილი ლაპარაკის და ეთერებში ხმამაღალი განცხადებების ნაცვლად, რომელსაც შედეგი არ მოაქვს, მიეცით ამას ოფიციალური გამოძიების სახე.
წინ რა უდგას ასეთი საგამოძიებო კომისიის შექმნას? გგონიათ, ამ ფონზე რომელიმე ოპოზიციონერი დეპუტატი გაბედავს ამ კომისიის შექმნას მხარი არ დაუჭიროს?! გამორიცხულია! ის კი არა, შეიძლება “ოცნებამაც” ვერ გაბდოს მხარის არდაჭერა.
ჰოდა, ფუჭ გასროლებს და პოპულიზმს შეეშვით და დადეთ კონკრეტული საქმე. ეს ბერკეტი გაქვთ და გამოიყენეთ,” – წერს ფეისბუქის პირად გვერდზე მერაბ მეტრეველი.