რუსული ,,ეფ-ეს-ბე” ბრალდებებში, ყირიმის ხიდის აფეთქებაში ქართულ კვალთან ერთად, უშუალოდ ქართველების მონაწილეობაზეც გაჟღერდა ვარაუდები. აღნიშნულ საკითხზე ჟურნალისტებთან კომენტარს აკეთებს პარლამენტის რეგიონალური პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა:
,,ე.ი. ამ ტვირთმა მოიარა მგონი ნახევარი სამყარო, გაიარა უკრაინა, სომხეთი, პორტიც იყო ნახსენები და ა.შ. და ასე ჩავიდა…, სადაც მონაწილეობდნენ როგორც რუსები, ისე უკრაინელები და ა.შ. – თუ ეს შეესაბამება სიმართლეს.
კიდევ ერთხელ ვამბობ, ჩვენ გვყავს მოქალაქეები, რომლებიც მიმოფანტული არიან მთელ მსოფლიოში ამიტომ, თუ რომელიმე გვარი იქ რაღაც ფიგურირებს, ეს არ ნიშნავს, რომ საქართველო იყო.
ნუ ცდილობთ, რომ საქართველო ამაში გაიყვანოთ, ოფიციალური საქართველო ამ ტერაქტის თუ რამის ორგანიზებაში“, – განაცხადა ირაკლი ზარქუამ.
ავტორი
ნინი ხიჯაკაძე
