“რუსეთის ქმედებების დაგმობას ვინ ჩივის, მისამძიმრებაც კი ვერავინ გაბედა დაბომბვების შედეგად უკრაინაში დაღუპული სამოქალაქო პირების გამო” – ზურაბ ბატიაშვილი საქართველოს ხელისუფლებაზე

129

რონდელის ფონდის მკვლევარი, აღმოსავლეთმცოდნე, ისტორიის მეცნიერებათა დოქტორი ზურაბ ბატიაშვილი უკრაინაში რუსეთის მასირებული დაბომბვების გამო დაღუპული უკრაინელების, ამ ტრაგედიის იგნორირებაში სდებს ბრალს ხელისუფლებას:

რამხელა სირცხვილია, რომ უკვე 2 დღე გავიდა და აღმასრულებელი ხელისუფლებიდან რუსეთის ქმედებების დაგმობას ვინ ჩივის, მისამძიმრებაც კი ვერავინ გაბედა დაბომბვების შედეგად უკრაინაში დაღუპული სამოქალაქო პირების გამო.

ვერ გაბედა ვერც საგარეო საქმეთა სამინისტრომ, რომლის პირდაპირი ფუნქციაა ამის გაკეთება.

ცუდია, მაგრამ ვთქვათ, ადამიანურად არ გაწუხებს ეს ყველაფერი, წმინდა პრაგმატული თვალსაზრისით მაინც გააკეთე განცხადება, რომ საერთაშორისო არენაზე ცივილიზებული სამყაროს გვერდით გამოჩნდე.

მაგრამ არა, უკვე ესეც კიდიათ. ასე ნელ-ნელა, მაგრამ მიზანმიმართულად ართმევენ ინსტიტუტებს (ამ შემთხვევაში საგარეო საქმეთა სამინისტროს) ფუნქციებს და ქვეყანას რუსეთის ჭაობში მიათრევენ.

არ უნდა შევეგუოთ საქართველოს მცოცავ ოკუპაციას! მე პირადად არ ვაპირებ შეგუებას და სხვებსაც მოგიწოდებთ, არ შეეგუოთ!” – წერს ფეისბუქის პირად გვერდზე ზურაბ ბატიაშვილი.

კომენტარები პუბლიკაციაზე