“მოვინახულეთ ბატონი მიხეილ სააკაშვილი – მდგომარეობა არის დამძიმებული სექტემბრის დასაწყისთან შედარებით” – მარიამ ჯიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ ხელმძღვანელი მარიამ ჯიშკარიანი კომენტარს აკეთებს საქართველოს მე-3 პრეზიდენტის მიხეილ სააკაშვილის ჯანმრთელობისა და საექსპერტო დასკნის წარმოების შესახებ:

,,ჩვენ მოვინახულეთ ბატონი მიხეილ სააკაშვილი პარასკევს. გვახლდა გასტროენტეროლოგი, ნევროლოგი და ვიყავი მეც. მდგომარეობა არის დამძიმებული სექტემბრის დასაწყისთან შედარებით. რა თქმა უნდა, ჩვენ ვჩქარობთ, რომ საექსპერტო დასკვნა იყოს დროულად.

ველოდებით ამერიკიდან ნევროლოგის ვიზიტს. ჩვენთვის ძალიან მნიშვნელოვანი იქნება მისი მოსაზრება. ასევე, შესაძლებელია ექსპერტი ორთოპედ-ტრავმატოლოგი, რომელიც არის ადამიანის უფლებათა დამცველი, ჩაერთოს ამ ექსპერტიზაში.

ადვოკატები მიმართავენ სასამართლოს სასჯელის გადავადების მოთხოვნით დაავადებების, მძიმე ჯანმრთელობის მდგომარეობის გამო. თუკი სასამართლო იქნება სამართლიანი, ვფიქრობთ, რომ დაკმაყოფილებული უნდა იყოს ეს შუამდგომლობა“, – განაცხადა მარიამ ჯიშკარიანმა.

ავტორი
ნინი ხიჯაკაძე