“ქართულ ოცნებაში” მზად არ არიან აირჩიონ ნამდვილად დამოუკიდებელი, მიუკერძოებელი სახალხო დამცველი – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯაგალაძე ჟურნალისტებთან კომენტარს აკეთებს სახალხო დამცველის ახალი კანდიდატის არჩევასთან დაკავშირებით და ხელისუფლებას მიუთითებს, რომ არ ჰქონდეს ნეგატიური დამოკიდებულება იმ კანდიდატების მიმართ ვინც აკრიტიკებს ხელისუფლებას და მწვავე შეფასებებს აკეთებდნენ კონკრეტულ მოვლენებთან დაკავშირებით:

,,სახალხო დამცველად, რასაც ,,ქართული ოცნება“ ამბობს, წარვადგინოთ პიროვნება, რომელსაც 5 ივლისთან დაკავშირებით არ ჰქონია პრეტენზია და არ გაუკრიტიკებია ხელისუფლება; ჟურნალისტების ცემის ფატქზე – არ ამოუღია ხმა; ასეთი ადამიანების წარდგენა სახალხო დამცველად ნიშნავს, რომ ომბუდსმენის ნავცლად გვყავს მარიონეტი.

ამიტომ კიდევ ერთხელ მოვუწოდებ ,,ქართულ ოცნებას“, რომ მოეშვას მსგავს განცხადებებს და მიიღოს კრიტიკა სამართლიანად.

ეს განცხადება მიუთითებს, რომ მათთვის ნებისმიერი კრიტიკული აზრი აღიქმება პოლიტიკურ განცხადებად. ისინი მზად არ არიან აირჩიონ ნამდვილად დამოუკიდებელი, მიუკერძოებელი სახალხო დამცველი“, – განაცხადა პაატა მანჯგალაძემ.

ავტორი
ნინი ხიჯაკაძე