“ვაშაძეს ამ სიბინძურისთვის, ტყუილიც არ ჰქვია, რაც ეკუთვნის, მე თქვენს წინაშე იმის თქმას ვერ ვიკადრებ!” – მამუკა მდინარაძე

მმართველი პარტიის აღმასრულებელი მდივანი მამუკა მდინარაძე საპასუხო კომენტარს აკეთებს ,,სტრატეგია აღმაშენებლის“ თავმჯდომარის გიორგი ვაშაძის ბრალდებაზე მმართველ პარტიაში 15-მდე რუსეთის აგენტის არსებობის თაობაზე:

,,ვაშაძეს ამ სიბინძურისთვის, ტყუილიც არ ჰქვია, რაც ეკუთვნის, მე თქვენს წინაშე იმის თქმას ვერ ვიკადრებ! როგორ მორალურ ფსკერზეა დაშვებული იცით ეს ადამიანი?! – უკვე ნებისმიერ რამეს იტყვის, რაც არ უნდა დასჭირდეს, ნებისმიერი რამის მთქმელია.

ხომ არსებობენ ადამიანები და ე.წ. პოლიტიკოსები, რაც გინდა იმას რომ იტყვის. აი, უკვე ამას ლაპარაკობს, რა. ამ ბოლო დროს – განსაკუთრებით! შემდეგ დარბაზში ვერ შემოდის. იმდენად მშიშარა ადამიანია. ბრიფინგებს ატარებს ხოლმე, გახსოვთ, ხომ? – მე იქ რაღაცას მიპირებენ, ისეთ საოცრებებს ლაპარაკობს, ისეთ სიბინძურეებს და რომ შევალ ფიზიკურად იძალადებენ ჩემზე – შეშინებული.

ასეთ სისულელეებს ნუ ლაპარაკობს! ასეთ ამორალურობას, რომ შემდეგ დარბაზში ვერ შემოვიდეს“, – განაცხადა მამუკა მდინარაძემ.

ავტორი
ნინი ხიჯაკაძე