,,სტრატეგია აღმაშენებლის“ თავმჯდომარე გიორგი ვაშაძე მწვავე კრიტიკულ განცხადებას აკეთებს ბელარუსის ლიდერის, ალექსანდრ ლუკაშენკოს ვიზიტზე აფხაზეთში და კონკრეტული შეკითხვებით მიმართავს “ქართული ოცნების” ლიდერებს – ირაკლი კობახიძესა და ირაკლი ღარიბაშვილს. ოპოზიციონერი ლიდერი მათ ქმედითი ნაბიჯების გადადგმისკენ მოუწოდებს:
,,ვეკითხები ორ ირაკლის – ირაკლი ღარიბაშვილს და ირაკლი კობახიძე, პრორუსული პარტიის წარმომადგენლებს – თქვენმა პრორუსულობამ რომ არაფერი არ მისცა ამ ქვეყანას, ხომ ხედავთ?! ახლა მაინტერესებს, გარდა ამ ხმამაღალი განცხადებებისა, რაიმე ნაბიჯის გადადგმას აპირებთ, თუ არა?!
თუ არ აპირებთ არცერთი ნაბიჯის გადადგმას, ამ საკითხებთან დაკავშირებით, ეს ნიშნავს, რომ თქვენ მოსკოვიდან დაგირეკეს და გითხრეს, რომ ახლა ზედმეტი არ მოგივიდეთ ,,ე, მანდ-ო“.
თუ აპირებთ რამის გაკეთებას, მაშინ გამოდით და გვითხარით, რა ქმედით ნაბიჯებს გადადგამს ხელისუფლებაში მყოფი ,,ქართული ოცნება“, რომელიც ამდენი ხანი კვერს უკრავდა რუსეთს“, – განაცხადა გიორგი ვაშაძემ.
ავტორი
ნინი ხიჯაკაძე
