დღეს, საქართველოს პარლამენტთან გაიმართა საინფორმაციო აქცია ,,ევროპა ჩვენი მომავალია”, სადაც ,,ევროინტეგრაციის მხარდამჭედთა ქსელმა” საზოგადოებას წარუდგინა სამოქმედო გეგმა. აღნიშნულ საკითხზე სააგენტო ,,პარალელთან” კომენტარი გააკეთა ,,რეფორმებისა და კვლევის ცენტრის” აღმასრულებელმა დირექტორმა თენგიზ თევზაძემ:
,,ევროინტეგრაციის მხარდამჭერთა ქსელი” და ,,რეფორმებისა და კვლევის” ჯგუფი ერთობლივად აკეთებს საინფორმაციო აქციას, რომლის მიზანია საზოგადოებაში შექმნას ფონი და სურვილი საქართველოს ევროინტეგრაციის, რაც არის ერთადერთი გამოსავალი, რომ ჩვენი მოქალაქეები ცხოვრობდნენ თანამედროვე, დემოკრატიულ სახელმწიფოში.
დღეს, რეალურად იმ სოციალურ-ეკონომიკურ, პოლიტიკურ და იმ პოლარიზებულ გარემოში, რომელშიც ჩვენ ვცხოვრობთ გამოსავალი არის კონსოლიდაცია და საქართველოს ევროინტეგრაცია.
ჩვენ ვაპირებთ მთელი საქართველოს მასშტაბით დავიწყოთ აქცია ,,გვიმასპინძლე”, რომლის ფარგლებშიც 100 სოფელში, 100 ოჯახში სტუმრად ჩავალთ, რომლებიც იქნებიან ჩვენი მასპინძლები. მათ ჩვენ გავესაუბრებით ევროინტეგრაციაზე და იმ ძირითად საკითხებზე მივაწვდით ინფორმაციას, თუ რა სარგებელს მიიღებს მოსახლეობა ევროინტეგრაციით”, – განაცხადა თენგიზ თევზაძემ.
ავტორი
ნინი ხიჯაკაძე
